പല്ലശ്ശന
ഗ്രാമ പഞ്ചായത്ത്

1756-57ൽ സാമൂതിരി തരൂർ സ്വരൂപത്തെ കീഴടക്കി നടുവട്ടം രൂപീകരിച്ചപ്പോൾ പല്ലശ്ശന അതിന്റെ ഭാഗമായിരുന്നു. കാക്കയൂരിലെ കോട്ടമലയെ ആസ്ഥാനമാക്കി കുറൂർ നമ്പിടി പല്ലശ്ശന ഭരിച്ചു. കുതിരവട്ടത്തുനായർ കുറൂർ നമ്പിടിയെ കൊന്നതിനെ തുടർന്ന് ജനങ്ങൾ കലാപത്തിനിറങ്ങി. സാമൂതിരി വേട്ടയ്ക്കൊരുമകൻ രൂപത്തിലുള്ള ശിവനെ പല്ലശ്ശനക്കാർക്ക് നൽകിയതായാണ് വിശ്വാസം. ഓണത്തല്ലും അവിട്ടത്തല്ലും പോലുള്ള ആചാരങ്ങൾ ഈ ചരിത്രത്തിന്റെ ഓർമ്മയായി തുടരുന്നു. പല്ലാവൂർ, പല്ലശ്ശന എന്നീ സ്ഥലനാമങ്ങൾ പല്ലവരുമായി ബന്ധപ്പെട്ടതാണെന്ന് കരുതപ്പെടുന്നു. ടിപ്പുവിന്റെ പടയോട്ടവും ഈ പ്രദേശത്തിലൂടെ നടന്നതായി പറയപ്പെടുന്നു. കൃഷിയായിരുന്നു പ്രധാന തൊഴിൽ; പാട്ടകൃഷിയും “കരിയും തുരുമ്പും കൊടുക്കൽ” രീതിയും നിലനിന്നിരുന്നു. ജാതിവ്യവസ്ഥ ശക്തമായിരുന്ന കാലത്ത് വിവേചനവും സാമൂഹിക അസമത്വവും വ്യാപകമായിരുന്നു. ഭൂപരിഷ്കരണവും സൗജന്യ വിദ്യാഭ്യാസവും പല്ലശ്ശനയുടെ സാമൂഹിക-സാംസ്കാരിക...